11:40, 24 Тамыз 2020 | GMT +6
Шымкент қалалық дін істері басқармасының басшысы тағайындалды
ШЫМКЕНТ. ҚазАқпарат - Шымкент қаласы әкімінің өкімімен Тұяқбаев Әлжан Әлішерұлы қалалық Дін істері басқармасының басшысы болып тағайындалды, деп хабарлайды ҚазАқпарат Шымкент қаласы әкімінің баспасөз қызметіне сілтеме жасап.
Әлжан Әлішерұлы 1971 жылы туған. Мамандығы - заңгер-оқытушы.
Ол 1992 жылдан 2017 жылға дейін ҚР Ұлттық қауіпсіздік комитетінде үздіксіз әскери қызметте болған. Кейіннен Астана қаласындағы «ITS Security Group» ЖШС-нің директоры болып жұмыс істеген.
2019 жылдан бүгінгі күнге дейін Шымкент қаласы әкімінің аппараты терроризмге қарсы күрес жөніндегі комиссияның басшысы лауазымында қызмет атқарған.