+7 (701) 759 90 19
USD 420.67 EUR 510.99
RUB 5.58 CNY 64.92
Jańalyqtar

Шымкент әкімі «Жұлдыз» индустриялды аймағын құру бойынша нақты тапсырмалар берді

2021 жылғы 14 қаңтар 19:56
Бөлісіңіз:
Шымкент әкімі «Жұлдыз» индустриялды аймағын құру бойынша нақты тапсырмалар берді

ШЫМКЕНТ. ҚазАқпарат - Шымкент қаласының әкімі Мұрат Әйтеновтің төрағалығымен өткен мәжілісте қаладағы индустриялық, агроиндустриялық және көлік-логистикалық аймақтар мен арнайы экономикалық аймақтардың 2020 жылы атқарған қызметтері мен алдағы даму жоспары талқыланды, деп хабарлайды қалалық әкімдіктің баспасөз қызметі.

Ұқсас жаңалықтар
Қазақстанның халықаралық резерві 94,4 млрд долларға жетті Қазақстан экономикалық еркіндік деңгейі бойынша әлем елдері арасында 40 орында тұр Келес ауданында құны 1 млрд теңгенің жобалары іске қосылады

Атап айтқанда, «Жұлдыз» индустриялық аймағын құру, «Оңтүстік», «Тассай» индустриялық аймақтары мен көлік-логистикалық аймағын дамыту, «Бозарық» агроиндустриялық аймағы бойынша мәселелер қаралды.

2020 жылы Шымкент қаласына 278 млрд.теңге инвестиция тартылып, өткен жылмен салыстырғанда өсім 40%-ға артқан. Биылғы жоспарды 315 млрд теңгеге жеткізу бекітіліп отыр.

«Инвестиция тартудың бірден-бір жолы – индустриялық және арнайы экономикалық аймақтарды дамытып, инвесторларға қолайлы жағдай жасау, инвестициялық мүмкіндіктерді барынша қалыптастыру. Жұлдыз индустриалды аймағы Шымкент қаласының тарихындағы ең мықты жобалардың бірі болмақ. Инженерлік инфрақұрылым жүйелерін (Электр қуаттылығы және сапалы газбен қамту) сапалы орындауды тапсырамын. Қажетті инфрақұрылымдар бойынша жобалау-сметалық құжаттама мен сараптамалық қорытынды алынып, тиісті бюджеттік өтінім берілуі тиіс. Келешектегі даму жоспарлары бойынша инфрақұрылым жүйелері қазірден мықтап қолға алынуы керек», – деді қала әкімі.

Шаһар басшысы 306 га жер учаскелерін толығымен мемлекеттік мұқтажға қайтарып, инвесторларға дайын өндіріс паркін (Brownfield, Greenfield) құру бойынша ұсыныстар енгізу, 50 жаңа жоба тарту жұмыстарын жүргізуге тапсырма берді. Сондай-ақ, аймақтың болашақ жоспарларын қазірден дамытып, барлық жобаларға дайын болу керек екенін айтты.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT