Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Шымкент әкімі алты айда атқарған жұмыстары жөнінде есеп берді

2019 жылғы 17 шілде 18:16 258
Бөлісіңіз:
Шымкент әкімі алты айда атқарған жұмыстары жөнінде есеп берді

ШЫМКЕНТ. ҚазАқпарат - Шымкенттің әкімі Ғабидолла Әбдірахымов қалалық мәслихаттың кезектен тыс елу екінші сессиясына қатысып, алты айда атқарған жұмыстары жөнінде есеп берді. Шаһар басшысының есебіне депутаттармен қатар зиялы қауым өкілдері де қатысты, деп хабарлайды ҚазАқпарат тілшісі.

Ұқсас жаңалықтар
Қазақстанда азық-түлік бағасын бақылайтын сайт құрылады Сауда нысандарының 30% аумағына отандық тауарларды қою міндеттелді Қазақстан жыл басынан бері экспортқа 1 219 автомобиль жөнелтті

Мәслихаттың күн тәртібінде Шымкент қаласы әкімінің оған жүктелген функциялары мен міндеттердің орындалуы туралы есебі тыңдалды. Ғабидолла Әбдірахымов жыл басынан бері қаланың әлеуметтік-экономикалық даму көрсеткіштерін баяндап, индустрияландыру, инвестиция тарту, инфрақұрылым, әлеуметтік салалардың даму көрсеткіштеріне тоқталды. Әкімнің сөзінше, есепті кезеңде өнеркәсіп өнімінің көлемі 25 пайызға, орташа айлық жалақы 12 пайызға артқан. Қала бюджеті 219 млрд теңгеге жетіп, 79 млрд теңгеге ұлғайған. Ал, индустрияландыру картасы аясында 3 жоба жүзеге асырылуда. Кәсіпкерлік субьектілерінің саны 14 пайызға өсіп, 65 687 бірлікті құраған. Қалада 6345 пәтерлі 129 көпқабатты тұрғын үйдің құрылысы жүргізіліп, жаңадан 14 334 жұмыс орны ашылған.

«2019 жыл жақсы жетістіктермен басталды. Осы аралықта мемлекеттік басқару жүйесін қамтамасыз етіп, қала әкімдігі, мәслихат жанындағы консультативтік кеңестер құрылды. 19 маусымда қаланың республикалық статус алғанына 1 жыл толды. Жыл басынан бері инвесторлармен көптеген келісімдер жасалды. Бағдарламалар дайындалды. Біз осы жұмыстарды әрі қарай жалғастыруымыз керек. Оған барлықтарыңызды атсалысуға шақырамын», - деді қала әкімі.




Мәслихат депутаттары қала әкімінің есебін оң бағалады. Қала мәслихатының хатшысы Ғани Ташқараев өз сөзінде шаhарда кәсіпкерлікті дамыту, жастарды қолдауда көптеген жобалар қолға алынғанын, барлық салада өсу бар екенін атап өтті.




Біздің каналымызға жазылыңыз:

Басты сөздер: Экономика, Шымкент,
Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT