Шығыс Қазақстанда жасанды жолмен қар түсірілді
2021 жылғы 12 ақпан 10:43

Шығыс Қазақстанда жасанды жолмен қар түсірілді

ӨСКЕМЕН. ҚазАқпарат – Шығыс Қазақстан облысында жасанды жолмен қар көшкіні түсірілді, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, 11 ақпанда қар көшкінінің алдын алу шаралары «Өскемен-Самар» тасжолының 95-102 шақырымында жүргізілді.

«Өңірдегі құбылмалы ауа райы мен желдің күшеюіне байланысты аталған жол учаскесінде көшкін жүру қаупі арта түскен. Соған орай жасанды жолмен 3840 текше метр қар түсірілді. Тасжолдың 101-шақырымында түсірілген 1800 текше метр қар жолды жартылай жауып қалған. «ОблШығысЖол» қызметкерлері бірден қарды тазалап, жолды ашты», - делінген хабарламада.

Осы ретте, ведомство өкілдері өңір тұрғындарына таулы жерлерге бармауға кеңес береді.

Айта кетейік, Шығыс Қазақстанда 11-14 ақпанда көшкін жүру қаупі бар. https://lenta.inform.kz/kz/shko-da-osy-aptanyn-sonyna-deyin-kar-koshkini-zhuru-kaupi-bar_a3751904


Jańalyqtar

MURAǴAT