USD 434.24 EUR 492.69
RUB 5.67 CNY 68.46
Jańalyqtar

Шығыс Қазақстанда той жасауға және ас беруге тыйым салынды

2020 жылғы 18 наурыз 12:41
Бөлісіңіз:
Шығыс Қазақстанда той жасауға және ас беруге тыйым салынды

ӨСКЕМЕН. ҚазАқпарат – Елімізде жарияланған төтенше жағдайға байланысты Шығыс Қазақстандағы барлық мәдени ошақтардың жұмысына бірқатар өзгерістер енгізілді, деп хабарлайды ҚазАқпарат.

Ұқсас жаңалықтар
Коронавирус пен пневмониядан 13 науқас көз жұмды Коронавирус: Ел аймақтарындағы эпидемиологиялық ахуал қандай Қазақстанда 1 миллионға жуық адам коронавирустан жазылған

Соған орай облыс көлемінде концерттер, конференциялар, семинарлар, көрмелер мен дөңгелек үстелдер сынды тағы да басқа шаралар уақытша ұйымдастырылмайды. Ал жоспарланған бұқаралық шаралар кейінге қалдырылды. Бұл туралы ШҚО Ақпараттық орталығында өткен брифингте облыстық Мәдениет, мұрағаттар және құжаттама басқармасы басшысының міндетін атқарушы Раушан Нұрмаханова мәлім етті.

«Эпидемиологиялық жағдай жақсарғанға дейін музейлер мен кітапханаларға, сондай-ақ тарихи-мәдени орындарға кіруге уақытша тыйым салынды. Бұдан бөлек, спорттық үйірмелер мен тіл үйрену курстарының жұмысы тоқтатылды. Концерттік ұйымдар мен театр қызметкерлері уақытша гастрольдік сапарларға шыға алмайды. Ал дайындық жұмыстары жүргізіле береді», - деді ол.

Басқарма басшысының айтуынша, егер осы салада еңбек етіп жүрген әйелдердің кәмелеттік жасқа толмаған балалары бар болса, олар қашықтан жұмыс істей алады.

«Облыстық Мәдениет, мұрағаттар және құжаттама басқармасының қызметкерлері уақытша үш топқа бөлінді. Олардың еңбекақысы сақталады. Бірінші топтың құрамында әкімшілік-басқарушылық салада еңбек етіп жүрген қызметкерлер бар. Екінші топтағылар қашықтықтан жұмыс істейді. Үшінші топта экологиялық демалысқа шыққандар», - деді Раушан Нұрмұханова.

Оның сөзіне сенсек, отбасылық мерекелер мен той жасауға, сондай-ақ ас беруге уақытша тыйым салынды.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT