Шығыс Қазақстанда мал ұрлығымен айналысқан 12 адам ұсталды

None
None
ӨСКЕМЕН. ҚазАқпарат – Шығыс Қазақстан облысында полиция қызметкерлері мал ұрлығымен айналысқан 12 адамды ұстады, деп хабарлайды ҚазАқпарат тілшісі.

ШҚО Полиция департаменті баспасөз қызметінің мәліметіне сүйенсек, тәртіп сақшылары өңір аумағында «Мал ұрлығы» жедел алдын алу шарасын жүргізген. Соның нәтижесінде, 10 күн ішінде 21 қылмыс ашылды.

«Сондай-ақ мал ұрлығымен айналысқан 12 адам ұсталды. Мысалы, Зайсан ауданында жайылымнан жалпы құны 3 000 000 теңгеден асатын 10 бас мал ұрлаған 38 жастағы ауыл тұрғыны құрықталды. Қазіргі уақытта оған қатысты ҚР ҚК-нің 188-бабы 1-бөлігіне сәйкес сотқа дейінгі тергеу амалдары жүргізілуде», - делінген ақпаратта.

Бұдан бөлек, мал және ет өнімдерін тасымалдаған 1 500-ден астам автокөлік, 1 137 шаруа қожалығы және мал және ет өнімдерін сататын 500-ден астам базарлар, дүкендер мен павильондар тексерілді.

Мал жаю ережелерін бұзғаны үшін 336 адам әкімшілік жауапкершілікке тартылды. 1000-нан астам қараусыз жайылған мал арнайы тұраққа қамалды.


Соңғы жаңалықтар