+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Шығыс Қазақстанда қос азаматтығы бар 28 адам анықталды

2021 жылғы 4 мамыр 21:54
Бөлісіңіз:
Шығыс Қазақстанда қос азаматтығы бар 28 адам анықталды

ӨСКЕМЕН. ҚазАқпарат – Шығыс Қазақстан облысында қос азаматтығы бар 28 адам анықталды, деп хабарлайды ҚазАқпарат тілшісі.

ШҚО полиция департаменті баспасөз қызметінің мәліметіне сүйенсек, тәртіп сақшылары жыл басынан бері қос азаматтығы бар 28 адамды жауапқа тартқан.

Мәселен, жуықта Глубокое аудандық ПБ көші-қон қызметінің өкілдері ел аумағында болған кезде Қазақстан азаматының құжаттарын пайдаланған Ресей Федерациясының азаматын анықтады.

Осылайша, ол азаматтық туралы заңнаманы бұзған.

Бұдан бөлек, Семей қаласының тұрғыны квазимемлекеттік секторда жұмыс істеп жүрсе де Алтай өлкесінде Ресей Федерациясының азаматтығын алған.

Оған қатысты ҚР ӘҚБтК 496-бабына сәйкес әкімшілік хаттама толтырылып, 100-ден 200 АЕК-ке дейін айыппұл салынды.

Сондай-ақ Қазақстан Республикасының азаматтығынан айырылды.

Ведомство мәліметінше, ҚР Конституциясына сәйкес елде қос азаматтыққа жол берілмейді. Алайда мемлекеттен тыс жерлерге уақытша шығатын азаматтар басқа елдің азаматтығын қабылдап жатады.

«ПД көші-қон қызметі басқармасы тұрақты негізде қос азаматтықты анықтау бойынша жұмыс жүргізуде. Оның ішінде шетелдік азаматтықты алу фактілері туралы белгіленген мерзімде хабарламағаны үшін - 8 адам, Қазақстан Республикасы азаматының жеке басын куәландыратын құжаттарды пайдаланғаны үшін - 20 адам жауапқа тартылды», - деді ШҚО ПД Көші-қон қызметі басқармасының бастығы Ербол Бекпаев.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT