Валюта бағамдары:
    usd/kzt 422.01 eur/kzt 452.06

    rub/kzt 6.75 cny/kzt 62.72
Ауа райы:
Нұр-Сұлтан: 1 °С
Алматы: 15 °С

Шығыс Қазақстанда қар көшкіні жүрді

2022 жылғы 17 қаңтар 00:48

ӨСКЕМЕН. ҚазАқпарат – Шығыс Қазақстан облысында қар көшкіні жүрді, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, 15 қаңтарда сағат 14.05-те Катонқарағай ауданындағы «Согорное-Барлық» тасжолының 11-шақырымында қар көшкіні жүрді.

«Күн райының күрт жылынуына және желдің екпіні секундына 20 метрге дейін жетуіне байланысты жалпы көлемі 30 текше метр көшкін жүрді. Бұдан бөлек, аталған жолдың 14-ші шақырымда тағы да көлемі 150 текше метр болатын көшкін түскен. Жол жартылай жабылып қалды», - деп хабарлады ведомство өкілдері.

Сол жерге жергілікті атқарушы орган техникасы жұмылдырылды. Көшкін ауданның тыныс-тіршілігіне әсер еткен жоқ, қаза болғандар мен зардап шеккендер болмады.


Автор:

Талғатжан Мұхаметбекұлы

Новости по теме