Шығыс Қазақстанда экологияны жақсарту мақсатында 800-ден астам шара өтті
«Қайырымды істер марафоны» жалпыұлттық жобасы аясында биыл Өскемендегі 23 дүкенде мұқтаж жандарға арналған «Қайырымдылық сөресі» акциясы өтті.
Бұл жайлы облыстық Ақпарат орталығында өткен баспасөз брифингі барысында ШҚО жастар ресурстық орталығының басшысы Арайлым Есімбекова айтып берді.
«Акция аясында ірі сауда орталықтарындағы сөрелер азық-түлікпен толтырылып, тегін таратылды. Сонымен қатар облыс бойынша балалар ауруханаларында бүлдіршіндерге қуаныш сыйлау мақсатында «Бала жүрегі» акциясы ұйымдастырылып, иммунитетті көтеретін өнімдер мен ойыншықтар сыйға берілді», - деді ол.
Бұдан бөлек, өңір жастарының көмегімен экологиялық жағдайды жақсартуға бағытталған 800-ден астам шара ұйымдастырылған.
«Қайырымды істер марафоны» жобасы аясында өткізіліп жатқан шаралар осымен тоқтап қалмай, алдағы уақытта да жалғасын табады.