Шығыс Қазақстанда бір айда 23 егіз дүниеге келді
19:14, 03 Ақпан 2022
ӨСКЕМЕН. ҚазАқпарат – Шығыс Қазақстан облысында дүниеге келген егіз балалар саны артты, деп хабарлайды ҚазАқпарат тілшісі.
ШҚО денсаулық сақтау басқармасы баспасөз қызметінің мәліметіне сүйенсек, осы жылдың басынан өңір бойынша жарық дүние есігін ашқан егіз саны былтырғы кезеңмен салыстырғанда біршама артты.
«Өткен жылы облыста 200 егіз және екі үшем дүниеге келген. Ал 2022 жылдың бір айында 23 егіз және 1 үшемнің кіндігі кесілді. Жалпы соңғы бір жылда Шығыс Қазақстанда барлығы 22 596 бала туды», - делінген ақпаратта.
Естеріңізге сала кетсек, өңірде «Аңсаған сәби» бағдарламасы бойынша ЭКО арқылы тұңғыш нәресте жарық дүние есігін ашқан болатын.