+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Шығыс Қазақстанда әкім сайлауында ауыл халқының 80 пайызы таңдауын жасады

2021 жылғы 25 шілде 18:00
Бөлісіңіз:
Шығыс Қазақстанда әкім сайлауында ауыл халқының 80 пайызы таңдауын жасады

ӨСКЕМЕН. ҚазАқпарат - Шығыс Қазақстан облысында сайлаушылардың 80 пайызы өз таңдауын жасады, деп хабарлайды ҚазАқпарат тілшісі.

Ұқсас жаңалықтар
Өзбекстандағы сайлау: 71,8 процент сайлаушы дауыс берді Өзбекстанда Президент сайлауы өтті деп танылды Өзбекстанда Президенттік сайлау өтіп жатыр

Аумақтық сайлау комиссиялары ұсынған деректерге сәйкес, Шығыс Қазақстанда сағат 16.00-дегі жағдай бойынша сайлаушылардың жалпы санының 80 пайыздан астамы дауыс берді.

«Ауылдық округтер бойынша айтар болсақ, Семей өңіріндегі ауылдық округтерде келу көрсеткіші 86 пайыз, Абай ауданы бойынша – 88 пайыз, Аягөз ауданында – 78 пайыз, Бесқарағай ауданында – 91 пайыз, Бородулиха ауданында – 66,5 пайыз, Жарма ауданында 85 пайыз, Катонқарағай ауданында – 77 пайыз, Зайсан ауданында – 89 пайыз, Көкпекті ауданында – 75 пайыз, Күршім ауданында – 79 пайыз, Тарбағатай ауданында - 82 пайыз, Ұлан ауданында– 86 пайыз, Үржар ауданында – 79 пайыз және Шемонаиха ауданы бойынша – 70 пайыз. Жалпы, ауылдық округтердің тұрғындары сайлау процесінде белсенділік танытуда. Олар жерлестерін сайлауға қатысуға және жарқын болашаққа үлес қосуға шақыруда» делінген ШҚО ақпарат орталығы таратқан мәліметте.

Бородулиха ауданы Андреевка ауылдық округінің аналар кеңесінің төрайымы Светлана Акошева өз таңдауын жасап үлгерген.

– Мен азаматтық ұстанымымды таныту үшін келдім. Өйткені, ертең қалай өмір сүретініміз осы таңдауымызға байланысты. Бізде сайлау тыныш өтіп жатыр, барлық ережелер сақталған. Жерлестерімді сайлау учаскелеріне келіп, лайықты үміткерге дауыс беруге шақырамын, – дейді ол.

Аягөз ауданының Қарағаш ауылдық округінің тұрғыны Роза Қабиева ауылдың одан әрі дамуы әкімнің кім болатынына және оның өз міндеттерін қаншалықты жақсы атқаратынына байланысты екенін атап өтті.

​Шемонаиха ауданының ардагерлер кеңесінің төрайымы Светлана Лычагина жерлестерін ауылдардың болашағына бей-жай қарамауға, сайлау науқанына қатысуға шақырды.

- Әкім сайлауы Мемлекет басшысы Қасым-Жомарт Тоқаев бастамашы болған ауқымды өзгеріс. Бұл - біздің қоғамның демократиялық дамуындағы маңызды қадам. Нәтижесі оң болады деп сенеміз, – деді Светлана Лычагина.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT