Қолданушы баптаулары
Қолданушы баптаулары
+7 (701) 759 90 19 Лента
Астана: 12 °С
Алматы: 33 °С
USD 346.68 EUR 404.02
RUB 5.47 CNY 51.15
Жаңалықтар

Шығыс Қазақстанда 7 жыл бойы заңсыз зейнетақы алып келген Ресей азаматы сотталды

2018 жылғы 13 шілде 13:38 282
Бөлісіңіз:
Шығыс Қазақстанда 7 жыл бойы заңсыз зейнетақы алып келген Ресей азаматы сотталды

ӨСКЕМЕН. ҚазАқпарат - Шығыс Қазақстан облысы Бородулиха аудандық соты екі елде қатар заңсыз зейнетақы алып келген Ресейдің 65 жастағы азаматына қатысты қылмыстық істі қарады, деп хабарлайды ҚазАқпарат тілшісі облыстық соттың сайтына сілтеме жасап.

Ұқсас жаңалықтар
Ерейментауда кәсіпкерді өлтірген анасы мен қызы сотталды Атырауда жеңіл жүрісті қыздарға үй жалға берген азамат жазаға тартылды

Әйел Ресей Федерациясында 2008 жылдан бері жасқа бйаланысты зейнетақы алып жүргенін көрінеу жасыра отырып, 2011 жылдың қаңтарында өзіне зейнетақы берілуін сұрап, Қазақстан Республикасының құзырлы органдарына жүгінген. Ол басқа елде зейнетақы алмайтыны туралы жалған ақпарат берген.

Егде жастағы әйел 2011 жылдың 14 шілдесінен 2018 жылғы 31 мамырға дейінгі аралықта зейнетақы алып, мемлекетке ерекше ірі мөлшерде - 6,3 млн теңге материалдық залал келтірген.

Сот отырысында сотталушы өз кінәсін мойындады.

Бородулиха аудандық сотының үкімімен Ресей азаматы ҚР Қылмыстық кодексінің 190-бабының 4-бөлігінің 2-тармағына сәйкес айыпты деп танылды. Оған, қылмысын мойындап, шынайы өкінетінін ескере отырып, шарты түрде 5 жылға бас бостандығынан айыру жазасы белгіленді.

 

 


Бөлісіңіз:
Онлайн қызметкерлер
Редактор
Айдар Оспаналиев
Айдар Оспаналиев
954-059
Мұрағат