Валюта бағамдары:
    usd/kzt 476.18 eur/kzt 485.56

    rub/kzt 7.76 cny/kzt 70.34
Ауа райы:
Нұр-Сұлтан: 1 °С
Алматы: 15 °С

Шығыс Қазақстанда 564 оқушы «Алтын белгіге» үміткер

2022 жылғы 1 маусым 03:16

ӨСКЕМЕН. ҚазАқпарат – Шығыс Қазақстан облысында биыл 8 860 оқушы мектеп бітіріп, үлкен өмірге қадам басты, деп хабарлайды ҚазАқпарат тілшісі.

Облыстық ақпарат орталығында өткен баспасөз мәслихаты барысында ШҚО білім басқармасының басшысы Сайрангүл Жұмаділова 2021-2022 оқу жылын қорытындылады.

«Өңір бойынша 644 мектепте 194 476 бала оқыды. Соңғы қоңырау жоспар бойынша-дәстүрлі түрде 25 мамырда офлайн форматта өтті. Аттестатты салтанатты тапсыру және бітіру 16-17 маусымға жоспарланған. Іс-шаралар мектеп қабырғасында өткізіледі», - деді ол.

Басқарма басшысының айтуынша, биыл 11 сыныпты 8860 оқушы аяқтады.

Оның ішінде «Алтын белгіге» үміткер саны - 564, ал үздік аттестатқа үміткер - 789.

«9 сыныпты 17 264 бала бітірді. Олар үшін 28 мамырда басталған қорытынды емтихандар 6 маусымға дейін жалғасады. Осы уақыт ішінде балалар төрт пән бойынша емтихан тапсырады. Ал 8860 түлектің 7510-ы ұлттық біріңғай тестілеу тапсырады. Биыл мемлекеттік білім грантына үміткерлерге ҰБТ-ға 2 рет қатысуға мүмкіндік берілді», - деді Сайрангүл Жұмаділова.


Автор:

Талғатжан Мұхаметбекұлы

Новости по теме
Серіктестер жаңалықтары