Шығыс Қазақстанда 42 гектарға жайылған алапат өрт ауыздықталды
2022 жылғы 8 тамыз 16:48

Шығыс Қазақстанда 42 гектарға жайылған алапат өрт ауыздықталды

ӨСКЕМЕН. ҚазАқпарат – Шығыс Қазақстан облысы Самар ауданында ірі дала өрті ауыздықталды, деп хабарлайды ҚазАқпарат тілшісі.

ШҚО төтенше жағдайлар департаменті баспасөз қызметінің мәліметіне сүйенсек, 5 тамыз күні Самар ауданында шөп өртенген.

Жалпы ауданы 42 гектарға жеткен қызыл жалынмен күрес 3 күнге созылды.

«Бүгін сағат 13.45 шамасында өрт ауыздықталды. Тілсіз жауды сөндіруге жергілікті атқарушы органдардың, ТЖД өрт сөндіру бөлімшелерінің, Красногор және Қайынды орманшылықтарының, Сарыбел тірек пунктінің күш-құралдары жұмылдырылды», - деп хабарлады ведомство өкілдері.

Өрт орман қоры мен елді мекендерге жетпеді.

Естеріңізге сала кетсек, осыған дейін Шығыс Қазақстанда өрт сөндірушілердің ірі дала өртімен күресіп жатқанын хабарлаған едік.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT