+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Шығыс Қазақстанда 28 қазаннан бастап карантин күшейтіледі

2020 жылғы 27 қазан 22:30
Бөлісіңіз:
Шығыс Қазақстанда 28 қазаннан бастап карантин күшейтіледі

ӨСКЕМЕН. ҚазАқпарат - Шығыс Қазақстан облысында карантин қатаңдатылып, бірқатар шектеулер енгізілді, деп хабарлайды ҚазАқпарат.

Ұқсас жаңалықтар
Желтоқсан мен қаңтарда карантин қатаңдауы мүмкін Жағдай күрделенсе, карантин режимін күшейтеміз - Бақытжан Сағынтаев Астанада сауда ойын-сауық орталықтарына сенбі күні жұмыс істеуге рұқсат берілді

Бүгін Шығыс Қазақстан облысының бас санитар дәрігері Марат Ысмайылов жаңа қаулы қабылдады. Бұл құжат 28 қазан сағат 00:00 бастап күшіне енеді.

Оған сәйкес, Өскеменде театр, мәдени нысандар, бассейн, сауна, монша, кітапханалар мен музейлердің жұмысына тыйым салынды. Облыстың басқа өңірлерінде бұл нысандар санитарлық талаптарды қатаң сақтап, әрі қарай жұмыс істей береді.

Фитнес орталықтар, СПА, жаттығу залдары мен спорт-сауықтыру кешендері де жұмысын тоқтатады.

Қалааралық автобустар жүрмейді, автостансалар мен автовокзалдар жабық тұрады.

Сондай-ақ бұрыннан келе жатқан той, мерекелік шара, спорт жарысы, көрме, бейбіт митинг, форум мен конференция секілді шараларды өткізуге салынған тыйым сақталады. Караоке, бильярд, компьютер клубтары, түнгі клуб, боулинг орталықтары, балалар аттракциондары, ойын алаңдары мен букмекерлік кеңселер, кинотеатр, фудкорттар баяғыша жұмыс істемейді.

Бас санитар аудан-қала әкімдеріне де бірқатар тапсырма жүктеген. Атап айтқанда, олар облыс аумағында және Өскемен, Семей, Риддер, Курчатов қалалары мен аудандардың периметрінде шектеу шаралары енгізілетін аймақтың шекарасын белгілеуі тиіс.

Паркте, көшеде бір отбасы мүшесі болмаса, жалпы үш адамнан артық топтасып жүруге болмайды.

Жасы 65-тен асқан кісілер сыртқа шықпай, қашықтан жұмыс істеу режиміне ауыстырылады. Жалпы, жұмыс берушілер қызметкерлердің кем дегенде 60 пайызын осы форматқа ауыстыруы тиіс.

Азық-түлік дүкендері мен дәмханалар түнгі 22:00 дейін ғана жұмыс істейді. Ал медицина орталықтары мен стоматология алдын ала жазылу арқылы кешкі 18:00 дейін қызмет көрсетуі тиіс.

Қаулының толық мәтінімен мына сілтемеде танысуға болады.


Біздің каналымызға жазылыңыз:

Бөлісіңіз:

Автор:

Жанат Қапалбаева

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT