USD 434.84 EUR 498.2
RUB 5.72 CNY 68.47
Jańalyqtar

Шығыс Қазақстан облысында марал атқан браконьер ұсталды

2021 жылғы 4 қазан 09:48
Бөлісіңіз:
Шығыс Қазақстан облысында марал атқан браконьер ұсталды

ӨСКЕМЕН. ҚазАқпарат – Шығыс Қазақстан облысы Көкпекті ауданында марал атқан браконьер ұсталды, деп хабарлайды ҚазАқпарат тілшісі.

Полиция қызметкерлері, «Охотзоопром» РМҚК өкілдері, ШҚО Орман шаруашылығы және жануарлар дүниесі аумақтық инспекциясы мамандары бірлескен рейд жүргізді.

Шара барысында Көкпекті ауылдық округіндегі Толағай тауының маңында келе жатқан автокөлік тоқтатылған.

Тексеру барысында ауыл тұрғыны тізгіндеген көлік салонында марал еті табылды.

«9 қап ет, «Вепрь 308» маркалы карабин атыс қаруы, 10 оқ, маралдың 2 мүйізі, пышақ және балта тәркіленді. Ер адамның жабайы аңды атуға рұқсат қағаздары болмаған», - деп хабарлады ШҚО орман шаруашылығы және жануарлар дүниесі аумақтық инспекциясының баспасөз қызметі.

Қазіргі уақытта аталған факті бойынша ҚР ҚК 337-бабы 1-бөлігіне (заңсыз аң аулау) сәйкес сотқа дейінгі тергеу амалдары басталды.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT