12:24, 14 Ақпан 2020 | GMT +6
Шығыс Қазақстан облысында Абай атында 105 көше бар
ӨСКЕМЕН. ҚазАқпарат – Шығыс Қазақстан облысында ұлы Абайдың есімі 105 көшеге берілген, деп хабарлайды ҚазАқпарат.
ШҚО Тілдерді дамыту жөніндегі басқармасының мәліметіне сүйенсек, биыл хәкімнің атына көше беру туралы ұсыныс түскен жоқ.
«Өскеменде - 1, Семейде 3 Абай көшесі тіркелген. Ең көбі Тарбағатай ауданында – 11 көше. Сондай-ақ өңір бойынша Абай атында 11 мектеп, 1 кітапхана, 1 музей, 1 Мәдениет үйі бар», - дейді басқарма басшысы Роза Төлемісова.
Естеріңізге сала кетсек, ШҚО-да Абай мерейтойына орай 560 шара өткізілетіндігін хабарлаған болатынбыз.