Швейцария Өзбекстанға Гүлнар Каримованың 131 млн доллар активін қайтаратын болды

ТАШКЕНТ. ҚазАқпарат - Швейцарияның Берн қаласында Өзбекстанның бұрынғы президентінің қызы Гүлнара Каримованың активтерін қайтару туралы келісімге қол қойылды, деп хабарлайды ҚазАқпарат тілшісі сол елдің Әділет министрлігіне сілтеме жасап.

«Келісім аясында Өзбекстанның бұрынғы президентінің қызы Гүлнар Каримова басқарған ұйымдасқан қылмыстық топ заңсыз иемденіп, Швейцарияда заңдастырылған 131 миллион доллар қайтарылады», - делінген министрліктің хабарламасында.

Келісімге Өзбекстан тарапынан Әділет министрі Русланбек Давлетов, Швейцария тарапынан президент Иньяцио Кассис қол қойды.

Сонымен қатар аталған келісім Өзбекстанның Әділет және Ішкі істер министрліктері мен құзырлы ведомстволар арасындағы соңғы 2 жылдағы жұмыс нәтижесі екені айтылды.

Реституция БҰҰ-ның көп-серіктестік траст қорлары жүйесінде орналасқан «Uzbekistan Vision 2030» траст қоры арқылы жүргізілмек.

Фото: t.me/adliyangiliklari