Швециядағы жол апаты: 6 шетелдік қаза тапты

АСТАНА. ҚазАқпарат - Швецияның солтүстігінде жүк көлігі мен шағын автобустың соқтығысуы салдарынан алты шетелдік мерт болды, деп хабарлайды ҚазАқпарат.

Оқыс оқиға Кируна қаласының маңында, сенбі күні болған. Азаматтығы белгісіз бір адам ауруханаға жеткізілген.

Барлық ажал құшқан шетелдіктердің бәрі 1990 жылы дүниеге келгендер.

Апаттың себебі әзірге анықталған жоқ.

SVT телеарнасының деректеріне қарағанда, апатқа ұшыраған жүк көлігі , Kaunis Iron тау кенін өндіруші компанияға тиесілі.

Оның жүргізушісі зардап шекпеген. Ал компанияның мәлімдеуінше, апатқа қарсы бетке шығып кеткен шағын автобустың жүргізушісі кінәлі.