ШҰҒЫЛ: Көкшетауда «Көкшетау Жылу» ЖШҚ МКК кассасына қарақшылық шабуыл жасалды

КӨКШЕТАУ. ҚазАқпарат - Көкшетауда "Көкшетау Жылу" ЖШҚ МКК кассасына қарақшылық шабуыл жасалды, деп хабарлады құқық қорғау органдарының қызметкерлері.

Полицейлердің мәліметі бойынша, оқиға кешке таман, яғни, касса жабылатын кезде болған. Бетін тұмшалаған азамат "Көкшетау Жылу" ЖШҚ МКК-ның Ақан сері көшесі бойындағы кассасына баса-көктеп кіріп, кассирлерді тапаншамен қорқытып, кассадағы 300 мың теңгеге жуық ақшаны алып кеткен.