20:11, 03 Шілде 2014 | GMT +6
ШҰҒЫЛ: Алматыда «КАМАЗ» «Тойота» көлігін қағып кетті (ФОТО)
АЛМАТЫ. ҚазАқпарат - Алматыда тағы да жантүршігерлік апат орын алды. Талғар тас жолымен шығысқа бағыт алған «КАМАЗ» қарсы бетте келе жатқан «Тойотаны» қағып кетті.
Оқыс оқиға салдарынан 4 адам ауыр жарақатпен ауруханаға жеткізілді. Олардың бәрінің жағдайы өте ауыр. Арасында кішкентай сәби бар.
Оқиға куәгерлерінің айтуынша, жүк машинасы алдынан шыққан жаяу жүргіншілерді басып кетпеу үшін бірден қарама-қарсы бетке шығып кеткен.
«КАМАЗ» жүргізушісінің өзі дін аман. Ол қазір полиция қызметкерлеріне түсініктеме беруде.
Апат салдарын қазір оқиға орнына шұғыл жеткен жол полициясының мамандары анықтауда.