14:32, 31 Наурыз 2014 | GMT +6
ШҰҒЫЛ: Алматы облысында қар көшкіні жүруі мүмкін
АЛМАТЫ. ҚазАқпарат - Алматы қалалық «Құтқару қызметі» МКК «Қазгидромет» РМК болжамын негізге ала отырып, Алматы облысында қар көшкіні орын алуы мүмкін деп шұғыл ескерту жасайды.
«Қазгидромет» РМК 31 наурыздағы №18 болжамына сәйкес Алматы, Шығыс Қазақстан, Оңтүстік Қазақстан облыстарының таулы аймақтарында наурыздың 31-і мен сәуірдің 1-і аралығында ауа райының күрт жылуына орай қар көшкіні жүруі мүмкін», - делінген хабарламада.
Осыған байланысты қалалық құтқару қызметі аталған аймақ тұрғындарына қауіпсіздік ережелерін қатаң сақтауды ескертіп отыр.