+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Шу вокзалында қайыр сұрап жүрген 9 жасар баланың мәселесін комиссия қарайтын болды

2021 жылғы 10 қазан 00:50
Бөлісіңіз:
Шу вокзалында қайыр сұрап жүрген 9 жасар баланың мәселесін комиссия қарайтын болды

ШУ. ҚазАқпарат - Шу қаласында көлік полицейлері вокзалда қайыр сұрап жүрген балаға көмек көрсетті, деп хабарлайды ҚазАқпарат.

Айта кетейік, екі күн бұрын Facebook қолданушысы Зарина Москау Шу темір жол вокзалында кішкентай жүдеу баланың қайыр сұрап жүргенін жазған болатын.

«Шамамен 9 жасар бала «тамаққа ақша беріңіздерші» деп қайыр сұрап жүр. Біз оған тамақ алып бердік, бас тартқан жоқ. Анасы үйінде ауырып жатыр екен, өгей әкесі жұмыста деді. Күтім көрмегені көрініп тұр, киімі кір, өз киімі емес сияқты, аяғындағы аяқ киімі үлкен. Перронға да жүгіріп шығып кетіп жүрді. Бұл түрімен бір қатерге ұшырамасын. Облыстағы құзырлы органдар назар аударады деген үміттемін» деп жазады Зарина.

Бұл жазбаға ҚР Білім және ғылым вице-министрі Бибігүл Асылова жауап қатып, баланың отбасы жайлы айтып берді.

«Ш. есімді бала түзету сыныбында оқиды. Қаңғыбастыққа бейім. Жайсыз отбасынан. Бұл мәселе назарға алынды. Мектеп киім-кешек бергенімен ата-анасы оны сатып жібереді. Алдағы уақытта кәмелетке толмағандар ісі жөніндегі облыстық комиссия бұл баланың мәселесін қарайды. Қорғаншылық органдары аталған отбасымен жұмыс жүргізеді» деп мәлім етті вице-министр.

Сондай-ақ Шу стансасы желілік полиция бөлімінің қызметкерлері баланың үйіне барып, анасымен сөйлесті.

Олар баланың анасына баланың темір жол бойында жалғыз жүруі қауіпті екенін түсіндіріп, жеткіншекті назардан тыс қалдырмау керектігін еске салды.

Сондай-ақ көлік полицейлері көмек ретінде баланың отбасына азық-түлік, тәтті апарып берді.


Біздің каналымызға жазылыңыз:

Бөлісіңіз:

Автор:

Жанат Қапалбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT