Штутгарт әуежайы тексеруден өтпей қалған 20 мың затты таратып жіберді

АСТАНА. ҚазАқпарат - Штутгарт әуежайы тексеруден өтпей қалған 20 мың бұйымды қайырымдылық ұйымдарына үлестіріп берді. Бұл туралы DPA агенттігі хабарлады.

«Әуежайдағы тексеріс кезінде ұшақ бортына жіберуге болмайтыны анықталған заттардың барлығы қайырымдылыққа жіберілді», - дейді әуежай өкілдері.

Олардың ішінде негізінен сұйытылған әтір-опа, сусындар, соустар, жұмсақ ірімшік, мармелад, шоколад пастасы, т.б. заттар бар.

Штутгарт - Германияның оңтүстік-батысындағы ең ірі әуежай. 2018 жылы ол 10 миллион жолаушыға қызмет көрсетіп үлгерген.