USD 434.48 EUR 492.61
RUB 5.68 CNY 68.44
Jańalyqtar

Шолпан Каринова: Ата-аналар балаларына қай мамандықты таңдаған дұрыс екенін түсіндіруі керек

2020 жылғы 29 мамыр 17:20
Бөлісіңіз:
Шолпан Каринова: Ата-аналар балаларына қай мамандықты таңдаған дұрыс екенін түсіндіруі керек

НҰР-СҰЛТАН. ҚазАқпарат – Техникалық, кәсіптік және орта білімнен кейінгі білім беру ұйымдарына студенттерді қабылдау мәселесіне қатысты колледж басшылары бірнеше ұсыныс білдірді, деп хабарлайды ҚазАқпарат тілшісі.

Ұқсас жаңалықтар
Білім министрі Алматыда мұғалімдермен және студенттермен кездесті Қаңтардағы қайғылы оқиғаларға байланысты мектепте оқу жылы созылуы мүмкін бе ШҚО-да математика пәні мұғалімінің озық тәсілі көпшіліктің қолдауына ие болды

«Техникалық және кәсіптік колледждердің басшыларының көбі Білім және ғылым министрлігіне негізгі үш ұсынысты жолдады. Кейбір әріптестеріміз колледжге қабылдау кезінде тестілеу жүйесіне ауысу керектігін жеткізді. Әріптестеріміздің тағы бірі бұл колледждерге биылғы ҰБТ-ның орташа балы бойынша қабылдау керектігін мәселе етіп көтерді. Тағы бірі емтихан қабылдауды бұрынғы форматта қалдыруды ұсынуда. Шындығы керек, бұл мәселелердің көтеріліп отырғанының өзі – қазіргі санитарлық-эпидемиологиялық жағдайға байланысты. Сондықтан бәріміз де ең бірінші кезекте балалардың денсаулығына баса мән беруіміз керек», - деді ҚР Білім және ғылым вице-министрі Шолпан Каринова БҒМ-нің онлайн баспасөз мәслихатында.

Вице-министр Президенттің Ұлттық қоғамдық сенім кеңесінің отырысында Білім және ғылым министрлігі мен жергілікті атқарушы органдарға жүктеген тапсырмасын еске салды.

«Қазір Мемлекет басшысы жергілікті жерде техникалық және кәсіптік білім беру саласына көп көңіл аударып, мемлекеттік тапсырысты ұлғайту жөнінде тапсырма берді. Осы орайда аз қамтылған отбасылардың балаларына, жетім және ата-анасының қамқорлығынсыз қалған балалардың жағдайына назар аудару керектігін ескертті. Министрлік тапсырманы орындауға кірісті. Колледждермен осы міндетті орындау бойынша жоспарлар бекітіліп, жұмысты атқаруға кірісіп кеттік», - деді ол.

Шолпан Каринова осы ретте техникалық және кәсіптік колледждерге академиялық дербестік беру – Елбасының министрліктің алдына қойған мақсаты екенін тілге тиек етті.

«Президент нақты кәсіпорындарға қажетті мамандарды даярлауды тапсырды. Бұл бірінші есеппен колледждерге студенттерді қабылдаумен тікелей байланысты. Маңыздысы – сапалы кадр. Бұл ретте кәсіби бағдарды айқындау жұмысы ерекше. Неғұрлым ата-аналарға қай мамандық баласына әлеуетті, пайдалы екенін түсіндіру керек. Президенттің қойған міндетін орындауға атсалысуға шақырамын», - деді колледж басшыларына Шолпан Каринова.


Біздің каналымызға жазылыңыз:

Бөлісіңіз:

Автор:

Аян Бекенұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT