Шоқпар стансасында рельстен шығып, аударылып қалған цистерна өртенді

ШОҚПАР. ҚазАқпарат - Жамбыл облысы Шу ауданының Шоқпар стансасында вагон өртенді, деп хабарлайды ҚазАқпарат Төтенше жағдайлар комитетіне сілтеме жасап.

Ұқсас жаңалықтар

Оралда көпқабатты үйдегі өрттен 14 адам эвакуацияланды

Жыл басынан бері елордада 19 автокөлік өртенді: ТЖД жүргізушілерге ескерту жасады Алматы облысындағы Бесағаш ауылында тұрғын үй кешені өртенді ​Өскеменде денсаулық сақтау мекемелерінің бірі өртенді

30 маусым түнгі 01:44 кезінде Шоқпар стансасында екі вагон рельстен шығып кеткен. Оның бірі - 60 тонна бензин құйылған цистерна болса, екіншісі - контейнерлі платформа. Екеуі де - «Алматы-Ақтоғай» жүк пойызының вагондары.

Жанармай құйылған цистерна бір бүйіріне аударылып қалған. Салдарынан мұнай өнімі ағып, өрт тұтанды.

Қызыл жалын 600 шаршы метр аумақты шарпыған. Темір жолдың 75 метр төсемі бүлінді.

Оқиға орнына Жамбыл облыстық ТЖД басшысы Бағдат Данилов пен өрт сөндіру бөлімінің басшысы Ермек Момбаев барды.

Шу, Алайғыр, Еспе стансаларында 10 жолаушы пойызы жолдан қалды.

ҚТЖ қызметкерлері жақын маңдағы 10 үйден 42 адамды эвакуациялады. Олар Шоқпардағы туыстарының үйіне жайғасты.

Өрт таңғы 05:20 кезінде сөндірілді.