ШҚО: Жарма ауданының әкімі пара алды деген күдікпен ұсталды

ӨСКЕМЕН. ҚазАқпарат - 9 қарашада Шығыс Қазақстан облыстық ҰҚК департаменті Жарма ауданының әкімін ұстады, деп хабарлайды ҚазАқпарат ҚР ҰҚК баспасөз қызметіне сілтеме жасап.

ШҚО Жарма ауданының әкімі Н.Сыдықов жер учаскесін ұзақ мерзімге жалға алу құқығын қайта рәсімдеу туралы мәселені шешу үшін кәсіпкер Л.-дан 800 мың теңге көлемінде пара алды деген күдікпен ұсталды.

Қазақстан Республикасы Қылмыстық кодексі 366-бабы 3-бөлігі бойынша сотқа дейінгі тергеу жұмыстары басталды. Н.Сыдықов уақытша ұстау оқшаулағышына қамалды.