USD 434.84 EUR 498.2
RUB 5.72 CNY 68.47
Jańalyqtar

ШҚО тұрғынының көлігінен есірткі мен тапанша табылды

2021 жылғы 7 желтоқсан 00:06
Бөлісіңіз:
ШҚО тұрғынының көлігінен есірткі мен тапанша табылды

ӨСКЕМЕН. ҚазАқпарат – Шығыс Қазақстан облысында Глубокое ауданы тұрғынының көлігінен есірткі мен тапанша табылды, деп хабарлайды ҚазАқпарат тілшісі.

Ұқсас жаңалықтар
Қарулы қылмыскерлер қала көшелерінде бейберекет оқ жаудырды – Алматы полиция департаменті Елімізде полицияның әрекетіне қатысты қанша шағым келіп түсті СҚО-да колония аумағына бірнеше ұялы телефон кіргізбек болған көлік жүргізушісі ұсталды

ШҚО Полиция департаменті баспасөз қызметінің мәліметіне сүйенсек, тәртіп сақшылары есірткіні сақтау күдігімен Глубокое ауданының 27 жастағы тұрғынын ұстады. Жеке тінту жүргізу барысында оның шалбарынан жасыл түсті өсімдік тектес зат салынған түйіншек табылды.

«Ер адамның көлігін тінту кезінде алдыңғы орындықта жатқан сөмкеден пластик ыдысқа салынған өсімдік тектес зат салынған 40 полимерлі пакет шықты. Бұдан бөлек, жүргізуші орындығының астынан травматикалық тапанша табылған.

Сараптама қорытындыға сәйкес, жалпы салмағы 37,67 граммға жететін тәркіленген зат – кептірілген марихуана. Ал зауыттық әдіспен жасалған қару атуға жарамды», - деді ШҚО ПД бастығы Сағат Мәдиев.

Аталған факті бойынша ҚР ҚК-нің 287-бабы 2-бөлігіне (қаруды, оқ-дәрілерді, жарылғыш заттарды заңсыз сақтау немесе алып жүру) және 296-бабы 3-бөлігіне (есірткі, психотроптық заттармен, сол тектестерді өткізу мақсатынсыз заңсыз сақтау) сәйкес сотқа дейінгі тергеу амалдары басталды.

Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT