ШҚО тұрғыны полицияға 1889 жылы шыққан қаруды тапсырды
ШҚО Полиция департаменті баспасөз қызметінің мәліметіне сүйенсек, сот-баллистикалық сараптама нәтижелері бойынша аталған қару Тула қару-жарақ зауытында шығарылған. 1889 жылы жасалған аңшылық мылтық қос ұңғылы, атуға жарамды.
Өткізген ер адамның айтуынша, ол сирек кездесетін қаруды марқұм анасының қоймасынан ескі заттарды реттеп жүрген кезде тауып алған. Криминалистер бірнеше ғасыр өткеніне қарамастан, мылтықтың дизайні өзгеріссіз қалғанын жеткізді.
Коронавирус инфекциясының таралуына жол бермеу мақсатында акция санитарлық-эпидемиологиялық талаптарға сәйкес өтуде.