ШҚО тұрғындарына инвестициялық жоба ұсынған алаяқ 200 млн теңге пайда тапқан
2020 жылғы 28 қазан 22:10

ШҚО тұрғындарына инвестициялық жоба ұсынған алаяқ 200 млн теңге пайда тапқан

ӨСКЕМЕН. ҚазАқпарат – Шығыс Қазақстан облысының тұрғындары алаяқтың арбауына ілігіп, 200 млн теңге шығынға батқан, деп хабарлайды ҚазАқпарат тілшісі.

ШҚО полиция департаменті баспасөз қызметінің мәліметіне сүйенсек, тергеу басқармасы алаяқтық фактісі бойынша қылмыстық істі қарауда. Күдікті ретінде Аягөз қаласының 39 жастағы тұрғыны ұсталған. Анықталғандай, алаяқ жұртты инвестициялық жобалардан пайда табуға шақырып алдаған.

Осылайша оның арбауына 35 адам түскен. Жәбірленушілерге келген материалдық шығын мөлшері 200 миллион теңгеден асады.

«Қазіргі уақытта тәртіп сақшылары тергеу амалдарын жүргізуде. Соның нәтижелері бойынша соңғы процессуалдық шешім қабылданады», - деді ШҚО ПД бастығының орынбасары Талғат Шаяхметов.


Ұқсас жаңалықтар

Jańalyqtar

MURAǴAT