ШҚО стационарларында коронавирустан емделіп жатқандар саны азайып келеді

ӨСКЕМЕН. ҚазАқпарат – Шығыс Қазақстан облысындағы стационарларда коронавирустан емделіп жатқандар азайып келеді, деп хабарлайды ҚазАқпарат тілшісі.

ШҚО Денсаулық сақтау басқармасы баспасөз қызметінің мәліметіне сүйенсек, өңір бойынша пандемия басталғалы бері 59 509 адам вирусқа шалдыққан. Ал соңғы тәулік ішінде COVID-19 инфекциясын жұқтырған тек 2 адам тіркелді.

Бүгінде стационар жағдайында 93 пациент ем-дом қабылдап жатыр. Кеше медициналық мекемелерде коронавирустан емделіп жатқандар саны 111 адамды құраған болатын.

«Бір күнде 4 науқас жұқпалы дерттен толықтай жазылып шықты. 2 симптомсыз вирустасушы үй карантинін аяқтады. Жалпы облыста стационарларда төсек-орын жүктемесі – 4,3%-ды құрайды», - делінген ақпаратта.

Естеріңізге сала кетсек, осыған дейін ШҚО-да 2,2 мыңға жуық жүкті әйел вакцинаның екі компонентін салдырғанын хабарлаған едік.