+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

ШҚО полициясы желіні шулатқан той кортежінің видеосына қатысты мәлімдеме жасады

2019 жылғы 12 қараша 13:12
Бөлісіңіз:
ШҚО полициясы желіні шулатқан той кортежінің видеосына қатысты мәлімдеме жасады

ӨСКЕМЕН. ҚазАқпарат – Семейде көпір үстінде көлігімен артқа қарай жүріп, желіні шулатқан жастардың бейнежазбасына қатысты полиция пікір білдірді, деп хабарлайды ҚазАқпарат тілшісі.

Ұқсас жаңалықтар

Әлеуметтік желіде елді дүрліктірген видео пайда болды. Бейнежазбадан көргеніміздей, қара түсті «БМВ Х-5» маркалы автокөлік жүргізушісі аспалы көпір үстінде әжептәуір жылдамдықпен артқа қарай жүріп барады. Оның үстіне мемлекеттік тіркеу номерін алып тастаған. Апаттық шамдарын жағып, оған «жол ашып» жүрген тағы бір-екі машина бар. Ал көліктерге байланған түрлі-түсті ленталардан бұның той кортежі екенін оңай аңғаруға болады. Желі қолданушыларының бірі «Осылардың кесірінен балам автобуста басын екі рет соғып алды. Өтуге мүмкіндік бермегендіктен, автобус жүргізушісі тежегішті шұғыл басқан болатын» деп пікір қалдырған болатын.

Оқиғаның Семей қаласында болғаны анықталып отыр. ШҚО полиция департаменті жағдайға қатысты пікір білдірді.

– 1 қараша күні 102-ге аталмыш оқиға туралы хабарлаған қоңырау келіп түсті. Семей қалалық полиция басқармасының қызметкерлері оқиға орнына дереу жетіп, тәртіп бұзғандарды ұстады. 1993 жылғы «Е» есімді азаматқа қатысты 595-баптың 2-тармағы және 593 баптың 1-тармағы бойынша әкімшілік хаттамалар толтырылды, – деп мәлімдеді ШҚО полиция департаментінің баспасөз қызметі.

Біздің каналымызға жазылыңыз:

Бөлісіңіз:

Автор:

Есентай Айтұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT