ШҚО өзендерінде мұз жару жұмыстары жүргізілуде

ӨСКЕМЕН. ҚазАқпарат – Шығыс Қазақстан облысы Шемонаиха ауданындағы өзендерде мұз жару жұмыстары басталды, деп хабарлайды ҚазАқпарат.

«3 наурыз күні Үбе өзеніндегі көпір тұсында мұз жарылды. Алдағы уақытта осындай шараларды Жоғарғы-Үбе және Убинка ауылдарында жүргізуді жоспарлап отырмыз», - деп хабарлады Шемонаиха аудандық төтенше жағдайлар бөлімінің мамандары.

Естеріңізге сала кетсек, осыған дейін Шығыс Қазақстан облысында көктемгі су тасқынының алдын алу мақсатында қандай жұмыстар жүргізіліп жатқанын хабарлаған болатынбыз.