+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

ШҚО-ның Катонқарағай ауданында туризм қарқынды дамуда

2020 жылғы 26 қазан 03:16
Бөлісіңіз:
ШҚО-ның Катонқарағай ауданында туризм қарқынды дамуда

КАТОНҚАРАҒАЙ. ҚазАқпарат – Шығыс Қазақстан облысының Катонқарағай ауданына келетін туристер саны жылдан-жылға арта түсуде. Әрине, туристер үшін ең қызықты әрі тартымды орындардың бірі, ол Мұзтау тауы болып табылады. Алтайдың ең биік шыңы, таңғажайып жаратылысымен туристер мен альпинистерді қашанда өзіне тарта түседі. Сондай-ақ, ел ішінде «Рахман қайнарлары» туралы да аңыздар кездеседі. Ауданның тағы бір көрнекті жері – Берел қорғандары, деп хабарлайды ҚазАқпарат.

Катонқарағай ауданының әкімі Ренат Құрмамбаевтың айтуынша, биыл пандемия жағдайында туристер саны екі есеге артқан. Оның пікірінше, мәселе таза ауада және экологиялық таза өнімдерде – адамдар ағзаны оңалту, өз денсаулығын жақсарту үшін Катонқарағайға барады.

Жалпы, туризм саласында ауданда демалушыларға «Рахман қайнары» шипажайы, 12 пантамен емдеу орны, 5 қонақүй және қонақтарға арналған үлкен 12 үй-жай өз қызметтерін ұсынады.

«Сонымен қатар, Бұқтырма су қоймасының жағалауында демалыс базасының құрылысы жүргізілуде. Қазіргі уақытта үйлер, асхана толығымен салынды. Бассейннің құрылысы жүргізілуде. Бұл жобаны 2021 жылы іске қосу жоспарланып отыр.

Бұдан бөлек, қазіргі уақытта «Баян» сауықтыру кешенін кеңейту, Топқайың ауылында 60 орындық емдеу-сауықтыру кешенін, 100 орындық пантымен емдеу орталығын салу бойынша жұмыстар жүргізілуде», - деп мәлім етті ШҚО Ақпарат орталығынан.


Біздің каналымызға жазылыңыз:

Бөлісіңіз:

Автор:

Аяулым Алтынбек

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT