ШҚО мен Абай облысында оқушылар үшінші күн қатарынан сабақты үйден оқып жатыр

2022 жылғы 30 қараша, 07:21
ШҚО мен Абай облысында оқушылар үшінші күн қатарынан сабақты үйден оқып жатыр

СЕМЕЙ. ҚазАқпарат - Шығыс Қазақстан және Абай облыстарында аязға байланысты оқушылар тағы да қашықтан білім алады, деп хабарлайды ҚазАқпарат жергілікті әкімдікке сілтеме жасап.

Дәл қазір Абай облысы аумағында ауа температурасы 31 градус аязды көрсетіп тұр.

Осыған байланысты 30 қараша күні бірінші ауысымда оқитын 1-11 сынып оқушылары және колледждердің 1,2 курс студенттері үшін сабақ онлайн форматқа ауыстырылды.

Сонымен қатар Шығыс Қазақстан облысының Алтай, Тарбағатай, Глубокое, Самар, Қатонқарағай, Күршім аудандарында 0-11 сынып, Өскемен мен Риддерде 0-9 сынып, Жаңа Бұқтырма елдімекенінде 0-4 сынып оқушылары үйден білім алады.

Еске сала кетейік, кеше еліміздің 5 өңірінде оқушылар қолайсыз ауа райына байланысты мектепке бармаған еді.


Ұқсас жаңалықтар
Серіктестер жаңалықтары

Jańalyqtar