ШҚО құтқарушылары балалар қамалып қалған 120-дан астам үйдің есігін ашты
2022 жылғы 24 мамыр 23:42

ШҚО құтқарушылары балалар қамалып қалған 120-дан астам үйдің есігін ашты

ӨСКЕМЕН. ҚазАқпарат – Шығыс Қазақстан облысының құтқарушылары жыл басынан бері балалар қамалып қалған 120-дан астам үйдің есігін ашты, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, биыл құтқарушылар іштен құлыпталып қалған 239 үйдің есігін ашып берген. Оның ішіндегі 120-дан астам үйде балалар қамалып қалған.

«Мамыр айының басынан бері ТЖД қызметкерлері Өскемен, Риддер қалалары мен Зайсан ауданында 8 үйдегі балаларға көмекке келді. Олар адам өміріне қауіп төнген кездерде ғана есіктерді ашады. Өмірге қауіп төнген жағдайларға – электр жабдықтары, жылыту құрылғысы қосулы қалған үйде балалар қалған оқиғаларды жатқызамыз. Бұның салдары өртке немесе жазатайым оқиғаға әкеліп соғуы мүмкін», - делінген ақпаратта.

Осы ретте, департамент құтқарушылары балалары бар тұрғындарға үйдің сыртқы есігіне өздігінен жабылатын құлып орнатпауға кеңес береді.

Естеріңізге сала кетсек, осыған дейін ШҚО-да азық-түлік бағасын өсірген кәсіпкерлер жазаланатынын хабарлаған едік.


Ұқсас жаңалықтар

Jańalyqtar

Үрдіс

MURAǴAT