+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

ШҚО Денсаулық сақтау басқармасының басшысы қызметін босатты

2020 жылғы 20 қазан 22:02
Бөлісіңіз:
ШҚО Денсаулық сақтау басқармасының басшысы қызметін босатты

ӨСКЕМЕН. ҚазАқпарат – Шығыс Қазақстан облысы Денсаулық сақтау басқармасының басшысы Ілияс Мұхамеджан қызметін босатты, деп хабарлайды ҚазАқпарат тілшісі.

Бұл жайлы ол Facebook-тегі жеке парақшасында жазды.

«Басқа жұмысқа ауысуыма байланысты мен ШҚО Денсаулық сақтау басқармасының басшысы қызметінен кеттім. 3 жыл ішінде өңірде көптеген маңызды жобалар іске асырылды. Осы уақыт аралығында халықаралық стандарттарға сәйкес келетін 2 мыңнан астам заманауи жабдық алынды. Бұл жоғары технологиялық медициналық техника көлемін 2,5 есеге ұлғайтуға, диагностика мен емдеудің 130 мыңнан астам жаңа әдістерін енгізуге және халықаралық аудит міндеттерін 100% орындауға мүмкіндік берді. Облыстық Онкологиялық диспансер мен Ана мен бала орталығына 128 тілімге арналған екі компьютерлік томограф орнатылды», - деді Ілияс Мұхамеджан.

Оның айтуынша, қабылданған шаралар негізгі көрсеткіштердің серпінін жақсартты, мәселен нәресте өлімін - 14,8%, қатерлі ісіктен болатын өлімді - 5,9%, туберкулезден болатын өлімді - 63% төмендетті.

«Медициналық ұйымдар COVID-19-дың екінші толқынына дайындалып жатыр. Төсек-орын 12 есеге ұлғайтылды. Қажетті жабдықтар мен дәрі-дәрмектер сатып алынды. Жыл соңына дейін тәулігіне 5 мың сынама жасайтын тағы бес жаңа ПТР-зертхана ашу жоспарлануда. Бұл, біздің өңір халқына талдау нәтижелерін уақытылы алуға мүмкіндік береді», - деді Ілияс Мұхамеджан.

Айта кетейік, Ілияс Мұхамеджан С.Д.Асфендияров атындағы ҚазММУ-ды бітірген. Алматы Жедел медициналық көмек ауруханасының операциялық блогында санитар болып жұмыс істеді. Кейін Б.О.Жарбосынов атындағы Ұлттық урология орталығында (ҰУО) ғылыми қызметкер, ҰУО-да ғылыми-зерттеу қызметі жөніндегі басқарма төрағасының орынбасары қызметтерін атқарды.

Қазіргі қызметіне 2019 жылдың 8 мамырында тағайындалған болатын.


Фото: facebook.com/iliyas.mukhamedzhan
Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT