+7 (701) 759 90 19
USD 420.65 EUR 505.03
RUB 5.64 CNY 65.01
Jańalyqtar

ШҚО дәрігерлері салмағы 500 грамм шақалақтарды күтіп шығатын болады

2021 жылғы 23 ақпан 08:51
Бөлісіңіз:
ШҚО дәрігерлері салмағы 500 грамм шақалақтарды күтіп шығатын болады

ӨСКЕМЕН. ҚазАқпарат – Шығыс Қазақстан облысының перзентханаларында салмағы 500 грамм шала туған нәрестелерді күтіп шығу мүмкін болады. Бұл туралы Шығыс Қазақстан облысының әкімі Даниал Ахметов Қоғамдық кеңестің алдында берген есебінде айтты, деп хабарлайды ҚазАқпарат.

Ұқсас жаңалықтар
Риддердегі орталық көшеге Абай есімі беріледі – ШҚО ШҚО-да шекарадағы аудандарды дамытуға 218 млрд теңге жұмсалады Сағынтаев Алматыда студенттік жатақхананың құрылысын тоқтатты

Жиында өңір басшысы өткен жылы пандемияға қарамастан өңірдің әлеуметтік-экономикалық дамуы оң қарқынын сақтап қалғанын атап өтті.

«Облыста COVID-19 індетіне қарсы халық денсаулығын сақтау, сырқаттанғандар санының күрт өсуіне жол бермеу, инфекцияның таралуын бәсеңдету бойынша жұмыстарды бірінші орынға қойдық. Соның нәтижесінде қазіргі уақытта эпидемиологиялық жағдай тұрақты. Аурудың орташа өсуі 0,2% құрайды. Өңірде уақтылы және сапалы медициналық көмек көрсету үшін 41 инфекциялық стационар жұмыс істейді, толық медициналық жабдықталған 6300 төсек-орын ұйымдастырылған», - деп атап өтті ШҚО әкімі Д. Ахметов.

Жалпы, өткен жылы өңірдің денсаулық сақтау саласын дамытуға барлығы 37,3 млрд теңге бөлінді. Қосымша 174 ӨЖЖ, 10 рентген-аппараты, үш ЭКМО, үш компьютерлік томограф сатып алынды.

Өңір басшысының айтуынша, биыл медицина қызметкерлерінің біліктілігін үздіксіз арттыру жалғасады. Өткен жылы ядролық медицина, сондай-ақ Алтай мен Аягөз инсульт орталықтарының, Ана мен бала медицина мекемесінің жанындағы оңалту бөлімінің дәрігерлері оқудан өтті. Ауылдық, аудандық ауруханаларда босандырудың күрделі жағдайларында жұмыс істеуге мүмкіндік беру үшін қызмет деңгейін арттыру жоспарланған.

«Ауылдық жерлерде, аудандарда перинаталдық саладағы көрсеткіштердің төмендігі және медициналық мекемелердің жеткіліксіз жабдықталуы өзекті мәселе. Әйелдер мен жаңа туған нәрестелерге медициналық көмектің сапасын арттыру және қолжетімділікті қамтамасыз ету мақсатында үш ауылдық аурухананың босандыру қызметін I деңгейге, тоғыз ауданда екінші және екі ауданаралық аурухананы I деңгейге ауыстыру жоспарланған. Бұл босандырудың неғұрлым күрделі жағдайларын өткізуге және 1500 грамм салмақпен туған сәбилерді күтуге мүмкіндік береді. Өскемен және Семей қалаларының перзентханалары болса, III деңгейлі жабдықтармен қамтамасыз етіледі. Осы екі қалада 500 грамдық шала туған сәбилерді күтуге мүмкіндік туады», - деді Д. Ахметов.

Сондай-ақ, Балалар мен ересектерге арналған Гематология орталығында медициналық туризмді дамытуға негіз болатын, ядролық медицина мен роботтандырылған хирургияны бірыңғай жүйеге біріктіретін қуатты медициналық кластер құрылады.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT