USD 434.34 EUR 491.93
RUB 5.56 CNY 68.67
Jańalyqtar

ШҚО-дағы шекара маңында шыққан ірі өрт сөндірілді

2020 жылғы 4 маусым 16:35
Бөлісіңіз:
ШҚО-дағы шекара маңында шыққан ірі өрт сөндірілді

ӨСКЕМЕН. ҚазАқпарат – Шығыс Қазақстан облысындағы мемлекеттік шекара маңында шөпке жайылған өрт сөндірілді, деп хабарлайды ҚазАқпарат тілшісі.

Ұқсас жаңалықтар
Шығыс Қазақстанда жыл басталғалы бері 83 өрт болды Алматыда үш қабатты ғимараттан өрт шықты СҚО-да биыл  өрттен 2 адам қаза тауып, 5 адам жарақаттанды

ШҚО Төтенше жағдайлар департаменті баспасөз қызметінің мәліметіне сүйенсек, соңғы күндері өңірде 53 рет шөп пен қоқыс өртенген. Оның ішіндегі ең ірілері – Зайсан, Күршім және Көкпекті аудандарында болды.

Таяуда түнгі сағат 00.05-те өрт сөндірушілерге Зайсан ауданы Қаратал ауылдық округіндегі Елеке учаскесінде шөптің жанып жатқаны туралы хабар түскен. Жергілікті атқарушы орган өкілдері мен шекарашылар шұғыл өртті сөндіруге кірісті. Алайда қатты желдің салдарынан жалын одан сайын тарай бастаған. Тілсіз жауды ауыздықтауға №25 өрт сөндіру бөлімінің 7 қызметкері тартылды. Олар келіп жеткенше от 30 гектар аумаққа жайылып кетті.

«Өрт шекарадан екі шақырым қашықтықта сөндірілді. Алдын ала мәлімет бойынша қызыл жалын найзағайдан шыққан. Дәл осы уақытта Күршім ауданындағы Буран ауылында да шөп өртенді. Тілсіз жауды жергілікті атқарушы органдар мен орманшылар өшірмекке әрекеттенді. Кешке сағат 19.00-де жел күшейгендіктен сол жерге №40 өрт сөндіру бөлімінің қызметкерлері аттанған. 25 гектар аумақты шарпыған от 22.40-та сөндірілді», - деп хабарлады ведомство өкілдері.

Сонымен қатар Көкпекті ауданында қураған ағаштар өртенді. Биғаш ауылдық округіндегі Қияқты учаскесінде шыққан қызыл жалынның жалпы аумағы 45 гектарға жеткен. Қазіргі уақытта өрт әлі толықтай өшірілген жоқ. №33 өрт сөндіру бөлімінің қызметкерлері, жергілікті атқарушы орган өкілдері, орманшылар мен жергілікті тұрғындар тілсіз жаумен күресуде.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059

MURAǴAT