ШҚО-дағы Бородулиха ауданына жаңа әкім тағайындалды
Ахметқали Ахашұлы 1966 жылдың 25 мамырында бұрынғы Семей облысы Бесқарағай ауданында дүниеге келген. Еңбек жолын 1983 жылы Бесқарағай ауданындағы автокөлік паркінде I санатты слесарь болып бастады.
1991-1997 жылдары Бесқарағай ауданында бас агроном, 2001-2002 жылдар аралығында Бесқарағай ауданының жер қатынастар инспекциясының бас маманы қызметін атқарды.
2005-2007 жылдары осы ауданда құрылыс, тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы, 2007-2008 жылдары аудан әкімінің орынбасары болып жұмыс істеді.
2008-2015 жылдары Бородулиха ауданы әкімінің орынбасары, 2015-2016 жылдары Шығыс Қазақстан облысы ауыл шаруашылығы басқармасы басшысының орынбасары болды. 2016-2019 жылдары аралығында Катонқарағай ауданын басқарған.
2019 жылдың сәуірінен осы уақытқа дейін Жарма ауданының әкімі болып еңбек етті.