ШҚО-да жоғалып кеткен 12 жасар қыз басқа қаладан табылды

None
None
ӨСКЕМЕН. ҚазАқпарат – Шығыс Қазақстан облысы Глубокое ауданында із-түзсіз жоғалып кеткен жеткіншек Риддер қаласынан табылды, деп хабарлайды ҚазАқпарат тілшісі.

ШҚО Полиция департаменті баспасөз қызметінің мәліметіне сүйенсек, 24 маусым күні кешкі уақытта Глубокое ауданының тұрғыны «102» жедел арнасына қоңырау шалған. Ер адам өз сөзінде 2008 жылғы қызы Кнельц Марина Романовнаның жоғалып кеткенін жеткізді.

«18 маусымда жеткіншек Черемшанка ауылындағы үйден сыртқа шығып кетіп, сол күйі қайтып оралмаған. Полиция қызметкерлері мен волонтерлер жедел-іздестіру шараларына кірісті. Соның нәтижесінде, қыз Риддер қаласынан табылды. Қазіргі уақытта тәртіп сақшылары оқиғаның мән-жайын анықтап жатыр», - деп хабарлады ведомство өкілдері.

Естеріңізге сала кетсек, осыған дейін Шығыс Қазақстанда 12 жасар жеткіншектің жоғалып кеткенін хабарлаған болатынбыз.



Соңғы жаңалықтар