ШҚО-да жасанды жолмен қар көшкіні түсірілді

ӨСКЕМЕН. ҚазАқпарат – Шығыс Қазақстан облысында жасанды жолмен қар көшкіні түсірілді, деп хабарлайды ҚазАқпарат тілшісі.

Ұқсас жаңалықтар

2021 жылы «Алматы-Өскемен» тасжолының 200 шақырымы ашылады

Шығыс Қазақстанда тағы бірнеше жолда көлік қозғалысы шектелді ШҚО-да жолда қалған қарағандылық жүргізушіге көмек көрсетілді Ақмола облысындағы «Екатеринбург-Алматы» тас жолы ашылды

ШҚО Төтенше жағдайлар департаменті баспасөз қызметінің мәліметіне сүйенсек, соңғы күндері өңірде күн жылып, жиі қар жауып тұр. Жел жылдамдығы да артқан. Осылайша, таулы аймақтарда көшкін жүру ықтималдығы жоғарылады.

Таулардағы қар жамылғысын «Қазселденқорғау» мекемесінің мамандары үнемі бақылап отыр. Қауіп төнген жағдайда бірден сол жерлерде профилактикалық жарылыс жүргізіледі.

Бүгін «Өскемен-Самар» тасжолының 95-102 шақырымындағы тау бөктерінде жасанды жолмен қар көшкіні түсірілді. 4 жарылыс жасалып, 3 600 текше метр қар тау етегіне түсірілген.

Айта кетейік, өңірде 28 ақпанға дейін көшкін жүру қаупі сақталады.