USD 434.34 EUR 491.93
RUB 5.56 CNY 68.67
Jańalyqtar

ШҚО-да зейнеткер 800 мың теңгесінен айырылып қалды

2020 жылғы 11 желтоқсан 04:29
Бөлісіңіз:
ШҚО-да зейнеткер 800 мың теңгесінен айырылып қалды

ӨСКЕМЕН. ҚазАқпарат – Шығыс Қазақстан облысында зейнеткердің ақшасын көршісі ұрлап кеткен, деп хабарлайды ҚазАқпарат тілшісі.

ШҚО Полиция департаменті баспасөз қызметінің мәліметіне сүйенсек, Бородулиха аудандық полиция бөліміне келген 73 жастағы зейнеткер ақшасы ұрланғанын айтып, арыз түсірген. Келтірілген шығын мөлшері 800 мың теңгені құрады.

«Тәртіп сақшылары жедел-іздестіру шаралары барысында күдіктіні қолға түсірді. Бұл - жәбірленушінің 37 жастағы жұмыссыз көршісі болып шықты. Ол қылмысын мойындап отыр», - деді ШҚО ПД бастығы Сағат Мәдиев.

Полицейлер зейнеткерге ақшаның бір бөлігін ғана қайтарып бере алған. Себебі күдікті қаражаттың біразын жеке қажеттіліктеріне жұмсап үлгерген.

Қазіргі уақытта 37 жастағы ер адамға қатысты ҚР Қылмыстық кодексінің 188-бабы 3-бөлігі 3-тармағы бойынша сотқа дейінгі тергеу амалдары жүргізілуде.

Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT