ШҚО-да түрме қызметкерлері 30 отбасына көмек көрсетті
2021 жылғы 18 желтоқсан 04:18

ШҚО-да түрме қызметкерлері 30 отбасына көмек көрсетті

ӨСКЕМЕН. ҚазАқпарат – Шығыс Қазақстан облысындағы түрме қызметкерлері Тәуелсіздік күніне орай 30 отбасына көмек көрсетті, деп хабарлайды ҚазАқпарат тілшісі.

ШҚО бойынша қылмыстық атқару жүйесі департаменті баспасөз қызметінің мәліметіне сүйенсек, ел Тәуелсіздігінің 30 жылдығына орай жағдайы төмен отбасыларға қолұшын созуға арналған акция ұйымдастырылды.

«Қылмыстық-атқару жүйесінің қызметкерлері аз қамтылған және көпбалалы 30-дан астам отбасыға көмектесті. Әрбір жанұя азық-түлікпен, жеке гигиеналық заттармен, киім-кешекпен қамтамасыз етіліп, балаларға тәттілер мен ойыншықтар табысталды», - делінген ақпаратта.

Тәуелсіздік күніне орай ұйымдастырылған акция алдағы уақытта да жалғасын таппақ.


Jańalyqtar

MURAǴAT