ШҚО-да сұңқар ауламақ болған браконьерлер ұсталды

НҰР-СҰЛТАН. ҚазАқпарат – Күршім ауданында заңсыз сұңқар ауламақ болған браконьерлер ұсталды. Бұл туралы ҚР Экология, геология және табиғи ресурстар министрлігі Орман шаруашылығы және жануарлар әлемі комитетінің баспасөз хатшысы Сәкен Ділдахмет Facebook парақшасында жазды, деп хабарлайды ҚазАқпарат.

Ұқсас жаңалықтар

Қапшағайда 300 келі балықты заңсыз аулаған браконьерлер ұсталды

Ақтөбе облысында киік атқан браконьерлер ұсталды Қорықшыларға қауіп төндіргендер 20 жылға дейін сотталуы мүмкін Браконьерлерге қатысты жаза күшейтіледі - Бас прокуратура

«2019 жылдың 25 тамызында сағат 09.00 кезінде рейд жұмыстарын жүргізу барысында «Охотзоопром» ӨБ» РМҚК-ның Шығыс Қазақстан аймақтық филиалының қызметкерлері Күршім ауданының Қалжыр ауылы Бүйрек учаскесінде Митсубиси Паджеро маркалы автокөлікті тоқтатқан. Тексеру барысында Семей қаласында тұратын 1968 жылғы көлік жүргізушісі мен 1965 жылғы тағы бір азаматтың заңсыз сұңқар аулап жүргені анықталды», - дейді Сәкен Ділдахмет.

Тексеру барысында автокөліктен жабайы құстарды аулайтын тор, 7 көгершін мен Хатсан 125 маркалы қара түсті пневматикалық қару табылған.

Аталған материал Күршім ауданының полиция бөліміне тіркеліп, ҚР ҚК 287-бабы бойынша қылмыстық іс қозғалып отыр.