ШҚО-да соңғы бес жылда түлектердің шетелге оқуға түсуі 4,5 есе азайған

ӨСКЕМЕН. ҚазАқпарат – Шығыс Қазақстан облысында соңғы 5 жылда түлектердің шетелдік жоғарғы оқу орындарына түсуі 4 жарым есе азайған, деп хабарлайды ҚазАқпарат тілшісі.

Ұқсас жаңалықтар

Елордада Ұлттық пікірсайыс турнирінің ашылу салтанаты өтті

Сенатор «Серпін-2050» бағдарламасының орындалу барысына алаңдаушылық білдірді Ақылбек Күрішбаев: ЖОО-лар студенттерге университетке «қаржы түсірудің көзі» деп қарайды

Бұл туралы халық алдында есеп берген ШҚО әкімі Даниал Ахметов айтты.

«Биыл көптілді білім беруді енгізу бағдарламасының жаңа кезеңі басталды. Бұл мақсатта өңірде 1 млрр теңге қарастырылған. Бірінші кезең бойынша 3,7 мың мұғалім тілдерді оқыту әдістемесін меңгеру деңгейін 14%-дан 89%-ға дейін көтерді. Соның нәтижесінде оқушылардың білім сапасының орташа көрсеткіші 20%-дан 53%-ға дейін өсті. Осы жылы тағы 1,3 мың тіл маманы біліктілігін арттырады. Сондай-ақ облыстың барлық мектептерінің IT сыныптарында алгоритмдік ойлау мен заманауи компьютерлік жүйелерді дамыту үшін цифрлық өнімдерді жасаудың тереңдетілген бағдарламасын енгізу жалғасын таппақ», - деді аймақ басшысы.

Оның айтуынша, соңғы екі жылда 2 мыңнан астам педагог бағдарламалау (Python, Flask), робототехника (Arduino, IoT) және 3D модельдеу (Blender) бойынша даярлықтан өтті. 2021 жылы облыс мектептері дидактикалық электронды материалдармен, робот-конструкторлармен және дрондармен жабдықталатын болады.

Жаңа жабдықтармен жұмыс істеу үшін 600 информатика және физика мұғалімін курстық даярлаудан өткізу көзделіп отыр.

Сонымен қатар «Жас Маман» кәсіптік-техникалық білім беру жүйесін дамыту бойынша жұмыстар жалғасуда. Бұл бағытта 5 базалық колледж жанынан құзыреттілік орталықтар құрылған. Биыл тағы да осындай 5 орталық ашылады.

Облыс әкімінің айтуынша, «Білікті маман» жобасы да сәтті жүзеге асырылуда. Соның нәтижесінде соңғы 5 жыл ішінде түлектердің шетелдік жоғары оқу орындарына түсу деңгейі 4,5 есеге азайған.