11:50, 30 Шілде 2018 | GMT +6
ШҚО-да сәби ыдыстағы суға тұншығып өлді
ӨСКЕМЕН. ҚазАқпарат - Ұлан ауданының Бозанбай ауылында 1 жастағы бала 20 литрлік ыдыстағы суға тұншығып өлді, деп хабарлайды ҚазАқпарат тілшісі.
Жас отбасы аталмыш ауылға жуықта көшіп келген екен. Жаңа баспананы жөндеумен әлек болып жүріп, ерлі-зайыптылар 1 жастағы сәбиді қараусыз қалдырған. Бала аулада ойнап жүріп, монша алдындағы су толы ыдысқа құлап кеткен. Ата-анасы оны кеш байқаған.
«Оқиға орнына бірінші болып полиция қызметкерлері жетті. Құтқарушылар тұрғындарды балаларын қараусыз жібермеуге шақырады. Қарапайым ғана қауіпсіздік ережелерін сақтамау үлкен қайғыға душар етеді», - делінген облыстық Төтенше жағдайлар департаменті таратқан ақпаратта.