ШҚО-да пойызға отыру үшін ПТР анықтама талап етілмейтін болды
2020 жылғы 16 желтоқсан 15:22

ШҚО-да пойызға отыру үшін ПТР анықтама талап етілмейтін болды

ӨСКЕМЕН. ҚазАқпарат – Шығыс Қазақстан облысында пойыз және ұшақ жолаушыларынан ПТР тест анықтамасы талап етілмейтін болды, деп хабарлайды ҚазАқпарат тілшісі.

Бұл жайлы бүгін шыққан Көліктегі бас мемлекеттік санитарлық дәрігердің қаулысында жазылған.

«Шығыс Қазақстан облысының ішкі әуе және теміржол қатынастарында COVID-19 бойынша шектеу шараларын күшейту туралы» Көліктегі Бас мемлекеттік санитарлық дәрігердің 2020 жылғы 31 қазандағы № 59 қаулысына өзгерістер енгізілді. Енді пойыз және ұшақ жолаушыларынан ПТР тест анықтамасы талап етілмейді», - делінген құжатта.

Жаңа қаулы 16 желтоқсаннан бастап күшіне енді.

Естеріңізге сала кетсек, осыған дейін ШҚО-да шектеу шараларының 30 желтоқсанға дейін ұзартылғаны хабарланған.


Ұқсас жаңалықтар

Jańalyqtar

Үрдіс

MURAǴAT