+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

ШҚО-да полициядан қашқан көлік жүргізушісі есірткі қабылдағаны анықталды

2021 жылғы 16 мамыр 02:28
Бөлісіңіз:
ШҚО-да полициядан қашқан көлік жүргізушісі есірткі қабылдағаны анықталды

ӨСКЕМЕН. ҚазАқпарат – Шығыс Қазақстан облысы Бесқарағай ауданында есірткі қабылдап көлік тізгіндеген ер адам ұсталды, деп хабарлайды ҚазАқпарат тілшісі.

Ұқсас жаңалықтар
СҚО-да жүргізушілердің қауіпсіздік белдігін тақпауы жиілеп кеткен

ШҚО Полиция департаменті баспасөз қызметінің мәліметіне сүйенсек, тәртіп сақшылары Қарамырза ауылының маңында «ВАЗ-2107» маркалы автокөлігін тоқтатады. Алайда жүргізуші полиция қызметкерлерінен қашып құтылмақ болған. Оның соңына түскен полицейлер көп ұзамай көліктің жолын бөгейді.

«Салон ішінде осы ауылдың 1984 және 1982 жылғы екі тұрғыны болған. Медицина орталығына жеткізілген олардың куәландыру актісіне сәйкес есірткі қабылдағаны анықталды. Жүргізушіге қатысты ҚР ӘҚБК-нің 608-бабы бойынша әкімшілік хаттама толтырылды», - делінген хабарламада.

Сонымен қатар тексеру барысында көліктен конобиноид тұқымдас қолдан жасалған өсімдіктер табылып, тәркіленді. Сот-химиялық сараптама нәтижесіне сәйкес, бұл есірткі заты болып шықты.

«Арнайы құрылған жедел-тергеу тобы күдіктінің гаражына тінту жүргізіп, өткір иісі бар өсімдік тектес зат салынған үш полиэтилен пакетті тапты. Сараптама қорытындысына сәйкес, тәркіленген заттың марихуана екені анықталды. Аталған факті бойынша ҚР ҚК-нің 300-бабымен (Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру) сотқа дейінгі тергеу амалдары жүргізілуде», - делінген ақпаратта.



Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT