ШҚО-да мереке күндері ХҚО қалай жұмыс істейді
«Азаматтарға арналған үкімет» ШҚО филиалының мәліметіне сүйенсек, келесі айда Халыққа қызмет көрсету орталықтары үшін 1, 2, 7, 9 және 10 мамыр демалыс күндері. Дүйсенбі, яғни 3 мамырда ХҚО сенбі күні үшін жұмыс істейді, сондықтан бөлімдер 09:00-ден 15:00-ге дейін ашық болады.
Өскемен және Семейдегі ХҚО азаматтарды алдын ала брондау бойынша қабылдайды. Мұны төрт жолмен жасауға болады, атап айтқанда eGov.kz порталы, eGovKzBot2.0 телеграм-боты, eGov mobile мобильді қосымшасы арқылы немесе 1414 бірыңғай колл-орталығына қоңырау шалу арқылы. Ол үшін «ХҚО-да кезекті брондауды» қызметтер тізімінен таңдап, жеке деректерді толтыру, күнін, уақытын, бөлімін таңдау және тағайындалған уақытқа дейін 5-10 минут бұрын келу қажет. Брондау жасалғаннан кейін телефонға SMS-хабарлама келеді.
«Бүгінгі таңда ХҚКО-ға бармай-ақ алуға болатын қызметтердің 90%-ы электронды форматқа ауыстырылды. Егер сізге қажетті қызмет әлі онлайн қолжетімсіз болса, орталыққа келуді алдын ала брондаңыз. Орталыққа барған кезде міндетті түрде әлеуметтік қашықтық пен маска режимін сақтау қажет», - деді филиал директоры Азамат Есембулов.
Айта кетейік, облыстың Халыққа қызмет көрсету орталықтарының жұмыс тәртібі дүйсенбіден жұмаға дейін 09:00-ден 18.00-ге дейін, сенбі күні 09:00-ден 15:00-ге дейін.